«APA-Sport» agentliyinin məlumatına görə, 60 kq çəkidə yarışan 24 yaşlı pəhləvanımız finalda İslambek Albiyevə (Rusiya) uduzub. Həlledici görüşədək rəqiblərinə xal vermədən irəliləyən İ. Albiyev həmyerlimizə də heç bir şans tanımayıb. Cəmi iki hissə davam edən görüşdə rusiyalı güləşçi qələbə qazanıb – 2:0, 4:0. Bununla da, Rusiyanın daha bir «klassik» güləşçisi finalda azərbaycanlı pəhləvanı yenərək, qızıl medala sahib çıxıb. Bürünc medalları isə Ruslan Tümenbayev (Qırğızıstan) və Nurbakit Tengizbayev (Qazaxıstan) əldə edib.
Bu gün döşək üzərinə çıxan digər güləşçimiz Rövşən Bayramov (55 kq) da finalda məhz qonşu ölkə idmançısı Nazir Mankiyevə uduzaraq, gümüş medalla kifayətlənib. Rusiya təmsilçiləri isə məhz azərbaycanlı güləşçilər üzərində qələbələr sayəsində Olimpiadada iki qızıl medallara yiyələniblər.
Qeyd edək ki, hazırda Azərbaycanın hesabında 1 qızıl, 2 gümüş medal var.

• Azərbaycan Üzgüçülük Federasiyasının İcraiyyə Komitəsinin tərkibi təsdiq edilib
• “Neftçi” İdman Klubu ötən ili 1001 medalla başa vurub
• Bakı sakinləri övladlarını niyə idmana yazdırır? - SORĞU
• Nazir keçmiş müavini ilə selfisini paylaşdı-MÜZAKİRƏLƏRƏ SƏBƏB OLDU - FOTO
• Mariana Vasileva Gənclər və idman nazirinin müavini vəzifəsindən azad edilib