Pekin. Elşən Məmmədov - APA-Sport. ABŞ üzgüçüsü Maykl Felps Çinin paytaxtı Pekində keçirilən XXIX Yay Olimpiya Oyunlarının altıncı dəfə fəxri kürsünün ən yüksək pilləsinə qalxıb. “APA-Sport” agentliyinin məlumatına görə, 23 yaşlı idmançı son medalına 200 metr məsafəyə kompleks üzgüçülük üzrə yarışda yiyələnib. Bu məsafəni 1:54.23 dəqiqəyə üzən M.Felps həm də yeni dünya rekordu müəyyənləşdirib. O, ikinci yeri tutan Laslo Çexi (Macarıstan) 2,29 saniyə geridə qoyub. Beləliklə, amerikalı üzgüçü Pekində altıncı, karyerasında isə 12-ci dəfə olimpiya çempionu olub. Üzgüçü növbəti uğurdan sonra jurnalistlərə belə açıqlama verib: “Mənim telefonuma bu gün 80 mesaj gəlib. Bunlardan ən maraqlısını yazan dostlarımdan biri məndən soruşur: “Əzizim, bir gün ərzində sənin çirkin sifətini televizorda neçə dəfə görəcəyik?”
Qeyd edək ki, M.Felps 4 il öncə Afinada keçirilən yay olimpiya oyunlarında 6 qızıl və 2 gümüş medala sahib çıxıb.

• Abdolbari Gozal vəfat edib
• Atıcılıq Federasiyası “ilin ən yaxşı”larını mükafatlandırıb
• Azərbaycan Üzgüçülük Federasiyasının İcraiyyə Komitəsinin tərkibi təsdiq edilib
• “Neftçi” İdman Klubu ötən ili 1001 medalla başa vurub
• Bakı sakinləri övladlarını niyə idmana yazdırır? - SORĞU