Azərbaycan Pekin Olimpiadasında medal qazanan ölkələrin siyahısında daha 2 pillə geriləyib

15.08.2008 - 18:57

Bakı. Elşən Məmmədov - APA-Sport. Çinin paytaxtı Pekində keçirilən XXIX Yay Olimpiya Oyunlarında bu gün 18 dəst medal uğrunda mübarizə aparılıb. “APA-Sport” agentliyinin məlumatına görə, olimpiadanın 7-ci günündə Azərbaycanın 4 təmsilçisi qüvvəsini sınayıb. Ağırlıqqaldıran İntiqam Zairov (85 kq) və atlet Ruslan Abbasov artıq çıxışlarını başa vurublar. Onların heç biri mükafatçılar sırasına düşə bilməyib. Boksçumuz Şahin İmranov (57 kq) növbəti qələbə sayəsində 1/4 finala vəsiqə qazanıb. Çaparımız Camal Rəhimov isə birinci təsnifat mərhələsində yaxşı təsir bağışlayıb. O, avqustun 17-də növbəti təsnifat mərhələsində çıxış edəcək. İndiyədək 302 dəst medaldan 100 dəsti (100 qızıl, 100 gümüş, 124 bürünc) artıq sahibini tapıb. Aktivində 1 qızıl, 2 gümüş, 1 bürünc medalı olan Azərbaycan komandası ötən günlə müqayisədə daha 2 pillə geriləyərək, 17-ci sırada qərarlaşıb. Olimpiya yığmamızın geriləməsinə əsas səbəb Slovakiya və Ukrayna təmsilçilərinin 2 qızıl medal qazanmaları olub. Medal qazanan ölkələrin sayı isə 53-ə çatıb. Bu gün Polşa və Danimarka da medal qazanan yığmaların siyahısına daxil olub. Atletikanın yadro itələmə və 10000 metr məsafəyə qaçış, eləcə də badminton növləri üzrə qadınların qoşa mübarizəsi hələlik başa çatmayıb.
Qeyd edək ki, idmançılarımızdan cüdoçular Elnur Məmmədli qızıl, Mövlud Mirəliyev bürünc, yunan-Roma güləşçiləri Rövşən Bayramov (55 kq) və Vitali Rəhimov (60 kq) isə gümüş medala sahib çıxıblar.

Sıra N-si	Medal qazanan ölkələr	qızıl	gümüş	bürünc	Cəmi
1.	Çin	25	9	6	40
2.	ABŞ	14	12	18	44
3.	Almaniya	8	2	4	14
4.	Cənubi Koreya	6	8	3	17
5.	İtaliya	6	4	4	14
6.	Yaponiya	6	4	3	13
7.	Avstraliya	5	7	8	20
8.	Rusiya	3	8	8	19
9.	Fransa	3	8	7	18
10.	Böyük Britaniya	3	2	3	8
11.	Slovakiya	3	1	-	4
12.	Ukrayna	3	-	4	7
13.	Çexiya	2	2	-	4
14.	Gürcüstan	2	-	1	3
15.	Kuba	1	3	4	8
16.	Hollandiya	1	2	4	7
17.	AZƏRBAYCAN	1	2	1	4
18.	KXDR	1	1	3	5
19.	Rumıniya	1	1	2	4
20.	Monqolustan	1	1	-	2
21.	İsveçrə	1	-	3	4
22.	İspaniya	1	-	1	2
22.	Finlandiya	1	-	1	2
24.	Hindistan	1	-	-	1
24.	Tailand	1	-	-	1
26.	Macarıstan	-	4	1	5
27.	Qazaxıstan	-	3	2	5
28.	Zimbabve	-	3	-	3
29.	İsveç	-	2	1	3
30.	Avstriya	-	1	2	3
30.	Belarus	-	1	2	3
32.	Əlcəzair	-	1	1	2
32.	Qırğızıstan	-	1	1	2
32.	Norveç	-	1	1	2
32.	Sloveniya	-	1	1	2
32.	Türkiyə	-	1	1	2
32.	Özbəkistan	-	1	1	2
38.	Kolumbiya	-	1	-	1
38.	Polşa	-	1	-	1
38.	Vyetnam	-	1	-	1
41.	Ermənistan	-	-	5	5
42.	Braziliya	-	-	4	4
43.	İndoneziya	-	-	2	2
43.	Çin Taypeyi	-	-	2	2
45.	Argentina	-	-	1	1
45.	Bolqarıstan	-	-	1	1
45.	Xorvatiya	-	-	1	1
45.	Meksika	-	-	1	1
45.	Tacikistan	-	-	1	1
45.	Toqo	-	-	1	1
45.	Litva	-	-	1	1
45.	Misir	-	-	1	1
45.	Danimarka	-	-	1	1
Cəmi		100	100	124	324