Bakı. Kənan Həsənov - APA-Sport. Türkiyənin Mərsin şəhərində təşkil olunan 16 yaşadək şahmatçıların Ümumdünya Olimpiadasında IV turun oyunları keçirilib. “APA-Sport” agentliyinin məlumatına görə, Azərbaycan milli komandası hesabat turunu qələbə ilə başa vurub. İngiltərə ilə qarşılaşan yığmamız rəqibini 3:1 hesabı ilə məğlub edib. Hesabında 10 xal olan və 7-ci pillədəki mövqeyini qoruyan komandamız bu gün V tur çərçivəsində Gürcüstanı sınağa çəkəcək. Qeyd edək ki, 10 turdan ibarət olan və avqustun 24-də başa çatacaq olimpiadanın mükafatları uğrunda 26 komanda mübarizə aparır.

• Velosipedçilərimiz beynəlxalq “Tour of Mersin” yarışına qatılıblar
• Azərbaycan çempionatının qalibləri müəyyənləşib
• Bakı şəhər kubokunun birinci mərhələsində finalçılar müəyyənləşib
• Qarabağ MechaHack 9030-dan Nümunəvi Missiya: Texnologiya Sərhəd Tanımır
• Kamandan oxatma üzrə Bakı Kubokunun I mərhələsi keçiriləcək