Azərbaycanın qadın otüstü hokkeyçilərdən ibarət milli komandası 2010-cu ilin avqust-sentyabr aylarında Argentinada keçiriləcək dünya çempionatının seçmə mərhələsində iştirak etmək üçün Rusiyanın Kazan şəhərinə yola düşüblər. Apasport.az saytının məlumatına görə, Azərbaycan yığması 17-24 apreldə yeganə vəsiqəyə sahib olmaq üçün Yaponiya, İtaliya, Rusiya, Belarus və Uels təmsilçiləri arasında qalib adını qazanmalıdır.

Qeyd edək ki, artıq finalda iştirak edəcək 9 iştirakçı bəllidir. Qitələrarası çempionatlarda fərqlənən Argentina, CAR, Yeni Zelandiya, Hollandiya, İngiltərə, İspaniya, Asiya çempionu və 2-ci yerin sahibi DÇ-nın qayğıları ilə yaşayırlar. Qalan 3 komanda isə 3 təsnifat yarışında müəyyənləşməlidir ki, onlardan biri artıq ABŞ-ın San Dieqo şəhərində başa çatıb. Martın sonu və aprelin əvvəlində keçirilən turnirdə Koreya hokkeyçiləri də adlarını xöşbəxtlər siyahısına yazdırıb.

Planetin ən güçlüləri sırasına düşmək üçün 2 vəsiqə uğrunda 12 ölkənin milli komandası hərəsində 6 iştirakçi olmaqla 2 turnirdə mübarizə aparacaq.

DÇ-nın sonuncu 12-ci iştirakçısı isə aprelin 25-də Santyaqoda (Çili) start götürəcək təsnifat turnirdə müəyyənləşəcək.

• Zərdab, Ucar və Kürdəmirdə yeni "Sağlam məhəllə" idman zonaları istifadəyə verilib
• MOK-un nümayəndəsi Günay Əsgərova Birmingemdə IWG Qlobal Sammitində iştirak edib
• İdmançımız Bolqarıstanda gümüş medal qazanıb
• “Ganja Cup” üzgüçülük yarışı ikinci dəfə keçiriləcək
• AMADA-nın yeni antidopinq qaydaları WADA ilə razılaşdırılıb