Son dünya çempionu olan İtaliya yığması mundialın startı ərəfəsində sensasiya ilə üzləşib. Apasport.az saytının məlumatına görə, Marçello Lippinin baş məşqçisi olduğu komanda Meksika ilə yoldaşlıq görüşündə uduzub. Özü də italyanlar təsəlli qolunu yalnız sona 1 dəqiqə qalmış vurublar.

Qızıl medallara digər favorit İspaniya yığması da çətin anlar yaşayıb. Belə ki, son Avropa çempionu Cənubi Koreya ilə yoxlama oyununda qələbə topunu yalnız sona 3 dəqiqə qalmış vurmağa müvəffəq olub.

Qeyd edək ki, ispanlar DÇ-2002-in 1/4 finalında məhz cənubi koreyalılara yenilərək, mübarizəni dayandırmışdı.

İtaliya – Meksika – 1:2
Leonardo Bonuççi, 89 – Karlos Vela, 17, Alberto Medina, 84

İspaniya – Cənubi Koreya – 1:0
Xesus Navas, 87

• “Bakı-Xankəndi” Azərbaycan velosiped yarışının təşkilinə həsr olunmuş iclas keçirilib
• “Azərlotereya” çempion axtarır!
• Azərbaycan millisi Zaqatalada toplanışa start verdi
• "Qarabağ Mechack 9030" komandasından uğurlu nəticələr
• Azərbaycan Kamandan Oxatma Federasiyasında idmançılara yeni idman dərəcələri təqdim edilib