Avro-2012-nin seçmə mərhələsində Azərbaycan milli komandasının rəqiblərindən olan Avstriya yığması daha 2 yoldaşlıq görüşü keçirməklə bağlı razılıq əldə edib. Apasport.az saytının məlumatına görə, Didi Konstantinini yetirmələri gələn il Latviya və Slovakiya ilə qarşılaşacaqlar.

Unibank Premyer Liqasında çıxış edən oyunçulardan Andrey Rubin, Girts Karlson, Denis Romanovun şərəfini qoruduğu Baltikyanı ölkə təmsilçisi rəqibimizi iyunun 7-də sınağa çəkəcək. Bu qarşılaşmanın hansı ölkədə keçiriləcəyi bilinmir. Avqustun 10-da isə rəqibimiz Slovakiyanı qəbul edəcək.

Qeyd edək ki, Azərbaycan - Avstriya oyunu gələn il oktyabrın 7-də keçiriləcək.

• Jurnalistlər arasında kamandan oxatma yarışı keçirilib - FOTO
• Zərdab, Ucar və Kürdəmirdə yeni "Sağlam məhəllə" idman zonaları istifadəyə verilib
• MOK-un nümayəndəsi Günay Əsgərova Birmingemdə IWG Qlobal Sammitində iştirak edib
• İdmançımız Bolqarıstanda gümüş medal qazanıb
• “Ganja Cup” üzgüçülük yarışı ikinci dəfə keçiriləcək