"Kəpəz"in sabiq baş məşqçisi Azər Məmmədov Gəncə klubuna geri qayıdacaq.

Apasport.az saytına verilən məlumata görə, tərcübəli mütəxəssis bu dəfə bölgə klubuna baş məşqçi postuna deyil, fərqli vəzifəyə təyin edilə bilər.

Əldə etdiyimiz məlumata görə, klub rəhbərliyi Məmmədovun təcrübəsindən bu dəfə texniki direktor kimi istifadə etməyi planlaşdırır. 

Hazırda tərəflər arasında danışıqlar gedir. 

Yaxın günlərdə Azər Məmmədovun doğma komandasına rəsmi olaraq geridönüşü baş tuta bilər.

"Kəpəz"in veteran futbolçusu və kapitanı iki mövsüm əvvəl bu kluba baş məşqçi təyin edilmişdi.

• Premyer Liqa klublarında UEFA PRO lisenziyalı məşqçilər üstünlük təşkil edir
• Sosial şəbəkələrdə ən çox izləyicisi olan Azərbaycan klubları bəlli olub
• Futbolçulara ən çox əməkhaqqı ödəyən klub "Neftçi" olub
• Premyer Liqa klublarının 2024-cü ildəki gəlirləri açıqlanıb
• Premyer Liqa klublarının uşaq-gənclər sektoruna ayırdığı vəsait artıb