Bakı. Vüqar Xeyrullayev - APA-Sport. Sentyabrın 6-da Azərbaycan milli komandası ilə qarşılaşacaq Uels yığmasının daha bir oyunçusu sıradan çıxıb. “APA-Sport” agentliyinin məlumatına görə, İngiltərənin “Koventri” klubunun şərəfini qoruyan Freddi İstvud dünya çempionatının seçmə matçlarında iştirak etməyəcək. 25 yaşlı hücumçuya zədə amili mane olub. Yığmada keçirdiyi 10 oyuna 4 qol vuran F. İstvud uelslilərin ikinci ciddi itkisidir. Belə ki, komandanın kapitanı Kreyq Bellami də eyni səbəbdən qarşıdakı görüşdə forma geyinməyəcək. Bununla da, Uels yığmasının heyətində hücumçuların sayı 4-ə çatıb. Baş məşqçi Con Toşak 6 hücumçuya dəvət göndərsə də, bunlardan ikisi yığmamızla oyunu buraxacaq.

• İtaliano həyəcanını gizlətmədi – "Sabah ilk rəsmi oyunumuzdur"
• Malanq Sarrın yeni klubu bəlli oldu – Səudiyyə Ərəbistanına yollandı
• Zaniolo “Udineze”də qaldı – “Qalatasaray”dan birdəfəlik ayrıldı
• “Qırmızı şeytanlar” maviyə büründü – Yeni səfər forması - FOTO
• İspaniya de la Fuente ilə davam etmək istəyir – Müqavilə uzadılır