Londonun "Çelsi" klubunda çıxış edən mərkəz müdafiəçisi Tiaqo Silva karyerasını vətənində davam etdirə bilər.

Apasport.az "Globo" nəşrinə istinadla xəbər verir ki, "Fluminense" təcrübəli futbolçu ilə müqavilə imzalamaq istəyir.

Tərəflər artıq danışıqlar prosesinə başlayıblar. Tiaqonun tezliklə Braziliya klubu ilə müqavilə bağlayacağı gözlənilir. Transfer yayda, futbolçunun "mavilər"lə müqaviləsi bitəndə rəsmiləşəcək.

İngiltərə Premyer Liqasının bu mövsümündə 39 yaşlı müdafiəçi 27 matçda iştirak edib, 3 qol vurub.