Kişi şahmatçılar arasında Azərbaycan çempionatında yer tutan iti zəka sahibləri mükafatlandırılıblar.

Apasport.az xəbər verir ki, AMEA-nın Mərkəzi Elmi Kitabxanasında baş tutan tədbirdə ilk "5-lik"də qərarlaşan şahmatçılar mükafat alıblar.

Karyerasında ilk dəfə Azərbaycan çempionu olan Aydın Süleymanlıya medal və 12 min manat pul mükafatı verilib.

Mükafatları Azərbaycan Şahmat Federasiyasının prezidenti Mahir Məmmədov, eləcə də vitse-prezident Faiq Həsənov təqdim ediblər.

Qeyd edək ki, Aydın Süleymanlı finalda Məhəmməd Muradlıya qalib gəlib. 3-cü yer uğrunda görüşdə Xəzər Babazadəni məğlub edən Vüqar Rəsulov isə bürünc medala sahib çıxıb. İlk üç yerin sahibi şəxsi Avropa çempionatında iştirak edəcək.

• Teymur Rəcəbov: “Kapitan kimi ilk uğurumuzu Avropa çempionatında qazandıq”
• Avropa çempionatında gümüş medal qazanan şahmatçılar Vətənə qayıdıb
• Azərbaycan şahmatçıları Avropa çempionatında təltif olunublar - FOTO
• Şahmatçılarımız Avropa ikincisi olublar - FOTO
• Millimiz Avropa çempionluğunun bir addımlığında