Gürcüstanın Batumi şəhərində şahmat üzrə komandalar arasında Avropa çempionatında VI turun partiyaları keçirilib.

Apasport.az xəbər verir ki, hesabat turunda kişi və qadınlardan ibarət Azərbaycan komandaları Ermənistan şahmatçılarıyla qarşılaşıb.

Kişi şahmatçılardan ibarət Azərbaycan komandası Ermənistana 2.5-1.5 hesabıyla qalib gəlib. 6-cı turda Şəhriyar Məmmədyarov görüşü qalib kimi başa vurub.

Rauf Məmmədov, Eltac Səfərli və Aydın Süleymanlı heç-heçəyə oynayıb. Bu qələbədən sonra Azərbaycan komandasının aktivində 9 xal var. 

Qadın şahmatçılardan ibarət komandamız da VI turda Ermənistan şahmatçılarını üstələyib.

Ülviyyə Fətəliyeva və Gülnar Məmmədova rəqibi məğlub edib, Xanım Balacayeva və Gövhər Beydullayeva partiyanı heç-heçə başa vurub. 3-1 hesablı qələbədən sonra xanım şahmatçıların xalı 8-ə çatıb. 

Qeyd edək ki, sabah Avropa çempionatında istirahət günüdür. Qitə çempionatına oktyabrın 14-də yekun vurulacaq.

• "Shirvan Open 2025" beynəlxalq şahmat festivalına start verilib
• Şahmatçılarımız dünya çempionatının 1/4 finalına yüksəlib - FOTO
• Azərbaycanı dünya çempionatında 14 şahmatçı təmsil edəcək
• Şahmat millimiz dünya çempionatında daha iki görüş keçirəcək
• “Gəncə Open” şahmat festivalına yekun vurulub - FOTO