Ailəsi ilə Almaniyada yaşayan 9 yaşlı şahmatçı Sona Bəşirova Berlində ikiqat çempion olub. Gənc istedad artıq ikinci ildir Almaniya paytaxtının çempionu titulunu qazanır.

Apasport.az xəbər verir ki, Sona Bəşirova DSAM (Həvəskarlar arasında Almaniya Açıq Çempionatı) finalına, Almaniyanın 10 yaşadək ümumi çempionatına və 10 yaşadək qızlar arasında keçirilən çempionata vəsiqə qazanıb. İstedadlı şahmatçı heç bir oyunda məğlub olmayaraq, 5 mümkün xaldan 4,5 xal toplayaraq birinci yeri qazanıb və bununla da Berlinin ikiqat çempionu olub.

Bundan bir neçə gün əvvəl o, Berlində 10 yaşadək uşaqlar arasında keçirilən açıq çempionatında 3-cü yerə layiq görülüb. S.Bəşirova burada yeganə qız iştirakçı olub. Ondan əvvəl isə Sona Potsdam şəhərində DSAM çərçivəsində böyüklər arasında keçirilmiş turnirdə öz qrupunda qalib olub.

Sona hər gün 3-5 saat turnirə hazırlaşıb. O bildirib ki, “ötənilki titulunu qoruyaraq yenidən Berlin çempionu olmasından böyük sevinc hissi duyur”.

Sona aprel ayında “Grenke Open” turnirində iştirak etmək üçün Karlsrue şəhərinə gedəcək. Burada onun Maqnus Karlsen və Şəhriyar Məmmədyarov kimi dünya şahmat ulduzları ilə ilk dəfə real həyatda görüşmək imkanı olacaq. Gənc şahmatçı B qrupunda yarışacaq.

• Şahmat üzrə Azərbaycan çempionatının qalibləri sabah müəyyənləşəcək
• Şahmat üzrə Azərbaycan çempionatının final mərhələsinə start verilib
• Azərbaycan çempionatı: Teymur Rəcəbov üçüncü yer uğrunda mübarizədən imtina etdi
• Azərbaycan çempionatının final oyunları başlayır
• Şahmat üzrə Azərbaycan çempionatında finalçılar müəyyənləşib