Gənclər və idman naziri Fərid Qayıbov Yunanıstanın Rodos adasında keçirilmiş qadın şahmatçılar arasında şəxsi Avropa çempionatında qızıl medal qazanan Azərbaycan təmsilçisi Ülviyyə Fətəliyeva ilə görüşüb.

Apasport.az xəbər verir ki, gənc idmançını böyük uğur münasibətilə təbrik edən F. Qayıbov onun Avropa çempionluğunun ölkəmizdə şahmat idman növünün inkişafına töhfə verəcəyinə inandığını bildirib. Ü.Fətəliyeva göstərilən diqqətə görə təşəkkür edib.

Görüşdə nazir müavini Mariana Vasileva, Azərbaycan Şahmat Federasiyasının prezidenti Mahir Məmmədov, vitse-prezident Faiq Həsənov və məşqçi Yevgeni Tomaşevski iştirak ediblər.

Qeyd edək ki, Avropa Şahmat İttifaqı tərəfindən qadınlar arasında şəxsi Avropa çempionatı 2000-ci ildən təşkil olunur. Ülviyyə Fətəliyeva şəxsi qitə çempionatında qızıl medal qazanan ilk azərbaycanlı xanım şahmatçı kimi tarixə düşüb.

• Qətərdə rapid və blits üzrə dünya çempionatı start götürüb
• Beynəlxalq yarışlarda uğurlu çıxış edən şahmatçılarımız mükafatlandırılıb - FOTO
• Şahmatçılarımız türkdilli dövlətlər arasında çempion olub - FOTO
• Xankəndidə keçirilən Vüqar Həşimov Memorialının qalibi bəlli olub
• Vüqar Həşimov Memorialının açılış mərasimi keçirilib - FOTO