Azərbaycanlı şahmatçı Məhəmməd Muradlı “Dubai Open 2024”də yenidən vahid lider olub.

Apasport.az xəbər verir ki, təmsilçimiz 8 turdan sonra 6,5 xal toplayıb.

O, iranlı Sina Movahedə qalib gəlib. Eltac Səfərli də növbəti qələbəsinə imza atıb. Hindistanlı rəqibini mat edən həmyerlimiz 5,5 xalla 10-cudur.

Digər şahmatçılarımızdan Xanım Balacayeva və Xaqan Əhməd qələbə qazanıb, Günay Məmmədzadə heç-heçə oynayıb, Gövhər Abdullayeva, Rəvan Əliyevvə Gülnar Məmmədova isə turu məğlubiyyətlə başa vurublar.

Qeyd edək ki, turnirə sabah yekun vurulacaq.