18 yaşlı hindistanlı qrossmeyster Dommaracu Qukeş şahmat üzrə dünya çempionu olub.

Apasport.az xəbər verir ki, şahmat tacı uğrunda mübarizədə o, 17-ci dünya çempionu çinli Dinq Lirenə 7,5:6,5 hesabı ilə qalib gəlib.

Sinqapurda keçirilən qarşılaşmanın həlledici görüşündə hindistanlı qara fiqurlarla oynayıb və 58-ci gedişdə qalib gəlib. Qukeş Vişvanatan Ananddan sonra şahmat üzrə ikinci hindistanlı dünya çempionu olub.

Qeyd edək ki, Dommaracu Qukeş 18-ci dünya çempionudur. Bundan əlavə, o, şahmat tarixinə ən gənc dünya çempionu kimi düşüb.

• Azərbaycan çempionu “UzChess Cup”da birinci yeri rəsmiləşdirdi
• Azərbaycanın 8 şahmatçısı İtaliyada yeniyetmələr arasında dünya çempionatında mübarizə aparacaq
• Beşinci Landau Şahmat Festivalı keçiriləcək
• FIDE Rusiya Şahmat Federasiyasının üzvlüyünü müvəqqəti dayandırıb
• 8 şahmatçımız Batumidə keçiriləcək Dünya Kubokunda iştirak edəcək