Şimali Makedoniyanın paytaxtı Skopyedə Fişer şahmatı üzrə Avropa çempionatı keçirilir.

Apasport.az xəbər verir ki, turnirdə Azərbaycan şahmatçıları Eltac Səfərli, Rauf Məmmədov, Məhəmməd Muradlı və Namiq Quliyev iştirak edirlər.

İki turdan sonra Məmmədov və Muradlının hərəyə iki qələbəsi var.

İsveçrə sistemi üzrə 11 turdan ibarət çempionatda ümumilikdə 142 şahmatçı mübarizə aparır.

Qeyd edək ki, Fişer şahmatı 11-ci dünya çempionu Robert Fişerin təklif etdiyi variantdır. Bu, adi şahmatdan onunla fərqlənir ki, lövhənin birinci və səkkizinci cərgəsində fiqurlar müəyyən məhdudiyyətlərlə təsadüfi şəkildə yerləşdirilir.

• Dünya çempionatı: Qadınlardan ibarət Azərbaycan millisi finalda
• Dünya çempionatı: Millimiz yarımfinalda heç-heçə edib
• "Shirvan Open 2025" beynəlxalq şahmat festivalına start verilib
• Şahmatçılarımız dünya çempionatının 1/4 finalına yüksəlib - FOTO
• Azərbaycanı dünya çempionatında 14 şahmatçı təmsil edəcək