Londonda keçirilən Qlobal Şahmat Liqası davam edir.

Apasport.az xəbər verir ki, "Alaskan Knights" lider mövqeyində qərarlaşıb.

Şəhriyar Məmmədyarovun heyətində yer aldığı komanda 4 turdan sonra 12 xal toplayıb. Komanda son turda "Ganges Grandmasters"i 4,5:1,5 hesabı ilə məğlub edib. Şəhriyar iranlı rəqibi Parham Paqsudluya qalib gəlib.

Teymur Rəcəbovun çıxış etdiyi "Triveni Continental Kings" də turu qələbə ilə başa vurub. Onlar "American Gambits"dən 4,5:1,5 hesabı ilə güclü olublar. Rəcəbov Yu Yanqi (Çin) ilə xalları yarıya bölüb. Hesabında 7 xal olan "Triveni Continental Kings" ikinci pillədə yer alıb.

• Azərbaycan çempionu “UzChess Cup”da birinci yeri rəsmiləşdirdi
• Azərbaycanın 8 şahmatçısı İtaliyada yeniyetmələr arasında dünya çempionatında mübarizə aparacaq
• Beşinci Landau Şahmat Festivalı keçiriləcək
• FIDE Rusiya Şahmat Federasiyasının üzvlüyünü müvəqqəti dayandırıb
• 8 şahmatçımız Batumidə keçiriləcək Dünya Kubokunda iştirak edəcək