Moskvada “Aeroflot Open” beynəlxalq şahmat turniri davam edir.

Apasport.az xəbər verir ki, azərbaycanlı qrossmeyster Aydın Süleymanlı VII turda rusiyalı Maksim Samuşenko ilə qarşılaşıb.

Şahmatçımız ağ fiqurlarla heç-heçə edib. Aydın 7 turda 4 xal toplayıb və 55-ci yerdə qərarlaşıb.

Digər təmsilçimiz Rəvan Əliyev Polina Şuvalova (Rusiya) ilə dueldə texniki məğlubiyyət alıb. O, Aydından 1 xal az toplayıb və 94-cü yerdədir.

Qeyd edək ki, VII tur təkhakimiyyətliliklə yekunlaşıb. Qələbə ilə xal hesabını 6-ya yüksəldən Yan Nepomnyaşi (Rusiya) digər şahmatçıları arxada qoyub.

• Dörd şahmatçımız dünya çempionatına qələbə ilə başlayıb
• Şahmatçımız İndoneziyada beynəlxalq turnirin qalibi olub
• Azərbaycanlı şahmatçı Berlində ikiqat çempion olub
• Eltac Səfərli İndoneziyada çempion oldu
• Rəsulov erməni rəqibini də məğlub etdi