18-23 noyabr tarixlərində İspaniyanın Linares şəhərində qadın şahmatçılardan ibarət milli komandalar arasında dünya çempionatı keçiriləcək.

Apasport.az xəbər verir ki, yarışda təşkilatçı ölkə İspaniya, 2023-cü ildə baş tutan son dünya çempionatının ən yaxşı dörd komandası – Gürcüstan, Fransa, Qazaxıstan, ABŞ, eyni zamanda dünya reytinq sıralamasına əsasən qitələr üzrə seçilən Çin, Ukrayna, Peru, Misir, Hindistan və FIDE komandaları iştirak edəcək. 
 
Dünya çempionatına 12-ci vəsiqənin sahibi Azərbaycan və Özbəkistan komandalarının seçmə matçında məlum olacaq.

Dünya çempionatına seçmə xarakter daşıyan qarşılaşma 1-2 noyabr tarixlərində Bakıdakı “Dinamo” hotelində təşkil olunacaq.   

 İki gün ərzində rapid yarışının yekun nəticəsində qalib gələn milli komanda dünya çempionatına vəsiqə qazanacaq. 

Azərbaycan milli komandası seçmə matçda bu heyətlə çıxış edəcək: Günay Məmmədzadə, Gülnar Məmmədova, Xanım Balacayeva, Gövhər Beydullayeva və Ülviyyə Fətəliyeva. Komandanın kapitanı Avropa çempionu Qədir Hüseynov olacaq.

Azərbaycan - Özbəkistan arasında seçmə matçın baş hakimi Faiq Həsənovdu. 

Qeyd edək ki, yarışın açılış mərasimi 1 noyabr tarixində saat 11-00-da başlayacaq.

• Sərxan Həşimov ECU vitse-prezidentliyinə namizəd oldu
• Nicat Abasov: "Sanki çempionatın finalında mübarizə aparırdım"
• Ülviyyə Fətəliyeva Vyana və Bratislavada şahmatçılarla görüşüb - FOTO
• Şahmatçılarımızdan Avropa çempionatında iki medal
• Azərbaycan şahmatçıları Avropa çempionatında liderliyi bölüşürlər - FOTO