Braziliya yığması ardıcıl 19-cu mundialın açılış oyununda məğlub olmayıb.

Apasport.az saytının məlumatına görə, “sambaçılar” bu seriyanı Qətərdə keçirilən dünya çempionatında da davam etdirib.

Qrup mərhələsinin ilk turunda Serbiyanı üstələyən (2:0) “pentakampeonlar” indiyə qədər planetin ən nüfuzlu turnirinə 16 dəfə qələbə, 3 dəfə heç-heçə ilə başlayıb. Braziliya yığması yalnız iki dəfə startda məğlubiyyətə üzülüb. Bu da ilk iki dünya çempionatına təsadüf edib. Komanda DÇ-1930-da Yuqoslaviyaya (1:2), DÇ-1934-də isə İspaniyaya (1:3) yenilib.

Serbiya isə müstəqil ölkə kimi dünya çempionatında keçirdiyi 10 oyundan 8-də (80 faizində) məğlub olub. Bu, mundiallarda ən azı 10 görüş keçirən komandalar arasında ən yüksək göstərici faizidir.

Qeyd edək ki, G qrupunda növbəti turun oyunları noyabrın 28-də keçiriləcək. Həmin gün Serbiya Kamerunla, Braziliya isə İsveçrə ilə görüşəcək.
 

• “Aston Villa” ispaniyalı futbolçunu transfer etmək istəyir
• “Bir axşam Masazırda”: Millimiz üçün yeni stadion - STATİSTİKA
• "Neftçi"nin 1369 günlük həsrəti bu gün sona çatacaq? - STATİSTİKA
• Qəbələ Azərbaycan futbolu tarixində: 7-ci şəhər, 12-ci stadion... - STATİSTİKA
• Tarixdə 60-cı, “Qarabağ” üçün 21-ci - Statistika