“Marsel” – PSJ matçı Lionel Messi və Kilian Mbappe üçün əlamətdar olub.

Apasport. az saytı xəbər verir ki, Fransa Liqa 1-inin hesabat turunda ikinci qolun müəllifi olan argentinalı superulduz klub karyerasında vurduğu topların sayını 700-ə çatdırıb.

Messi PSJ-də 28, “Barselona”da isə 672 qol vurub. 35 yaşlı oyunçuya bu qol həddinə çatmaq üçün 840 oyunda iştirak etmək kifayət edib.

Paris klubunun hücumçusu Klian Mbappe isə “Marsel” ilə görüşdə “dubl” edərək PSJ-nin heyətində 200-cü dəfə fərqlənib. 24 yaşlı futbolçu bununla da komandanın ən çox qol vurmuş oyunçusu Edinson Kavani (200 qol) ilə qolların sayını bərabərləşdirib.

Qeyd edək ki, “Marsel” – PSJ matçı qonaqların 3:0 hesablı qələbəsi ilə başa çatıb. 

• “Neftçi”dən yubiley matçında tarixi göstərici – 550-ci qələbə
• Misli Premyer Liqasının IV turu: Rəqəmlərin gözü ilə
• "Neftçi"dən yubiley: Darmadağınla 300-cü ev qələbəsi
• DÇ-2026-nın ən yaxşıları açıqlandı – Messi zirvədə, ilk "10-luq"da 5 ispaniyalı
• FIFA reytinqi açıqlandı – Azərbaycan və Türkiyə gerilədi