Veteran stolüstü tennisçilər arasında Azərbaycan çempionatına yekun vurulub.

Apasport.az xəbər verir ki, “Şüa” İdman Kompleksində təşkil olunan yarışda Bakı, Sumqayıt, Gəncə, Şəmkir, Tovuz və Gədəbəydən ümumilikdə 60-a yaxın usta idmançı bacarığını göstərib.

Budəfəki çempionatda kişilər 4, qadınlar 1 yaş qrupunda mübarizə aparıblar. Şəxsi mübarizədə kişilərdən Vaqif Məmmədov, Elşad Vahidov, İlham Ağayev, Səxavət Heydərov, qadınlardan Xəyalə Qiyasova 1-ci yeri tutub. Qoşa yarışlarda isə Zaur Mikayılovla Mahir Cəbiyev fəxri kürsünün 1-ci pilləsinə qalxıb. Onlar finalda İlham Ağayev – Xəyalə Qiyasova tandeminə qalib gəliblər.

Fərqlənən iştirakçılara Azərbaycan Stolüstü Tennis Federasiyasının mükafatları təqdim olunub.

• Dövlət qurumları arasında stolüstü tennis yarışı keçirilib
• Stolüstü tennisçilərimizdən uğurlu nəticə
• Təmsilçilərimizdən 3 medal
• Stolüstü tennisçilərimiz Avropa Universitet Oyunlarında mübarizəyə başlayırlar
• Stolüstü tennisçilərimiz Avropa çempionatında Ermənistan komandasına qalib gəliblər