Bu gün stolüstü tennis üzrə ölkə çempionatı start götürüb.

Apasport.az xəbər verir ki, Şüa İdman Kompleksində təşkil olunan yarışa paytaxt Bakı ilə yanaşı digər şəhər və rayonların təmsilçiləri qatılıblar.

Açılış mərasimində çıxış edən Azərbaycan Stolüstü Tennis Federasiyasının vitse-prezidenti Elmar İslam və federasiyanın baş katibi Könül Mikayılova iştirakçılara uğurlar arzulayıb.

Qeyd edək ki, komanda, şəxsi, qoşa və qarışıq qoşa növləri üzrə keçirilən çempionata martın 6-da yekun vurulacaq. Fərqlənən idmançılara Azərbaycan Gənclər və İdman Nazirliyinin diplom və medalları, həmçinin ASTF-nin mükafatları təqdim olunacaq.

• Azərbaycan və Özbəkistanın Stolüstü Tennis Federasiyaları arasında Anlaşma Memorandumu imzalanıb
• Stolüstü tennisçilər növbəti beynəlxalq yarışda
• Stolüstü tennisçilər beynəlxalq yarışı üç medalla başa vurublar
• Azərbaycanın stolüstü tennisçiləri Çində beynəlxalq təlim-məşq toplanışına qatılacaq
• Mehin Mirzəbalayeva beynəlxalq turnirin mükafatçısı olub