Albaniyanın paytaxtı Tiranada keçirilən yeniyetmə taekvondoçular arasında Avropa birinciliyi başa çatıb.

Apasport.az xəbər verir ki, yarışın son günündə Azərbaycan millisinin daha 2 idmançısı fəxri kürsüyə yüksəlib.

Yığma üzvlərindən Novruz Əliyev (45 kq) bütün rəqiblərinə qalib gələrək Avropa çempionu tituluna yiyələnib. Anar Abdullazadə (37 kq) isə yalnız finalda uduzaraq gümüş medala sahib çıxıb.

Bununla da komandamız yarışı 1 qızıl, 1 gümüş və 2 bürünc mükafatla başa vurub. Yığmamızın heyətində daha öncə Gülay Əliyeva (44 kq) və Fərid Əlizadə (61 kq) üçüncü yeri tutublar.

Qeyd edək ki, birincilikdə Azərbaycanın oğlanlardan ibarət yığması komanda hesabında üçüncü pillədə qərarlaşıb.

• Milli Paralimpiya Komitəsi Azərbaycan Taekvondo Federasiyası ilə Anlaşma Memorandumu imzalayıb
• Azərbaycanlı taekvondoçu beynəlxalq turnirdə bürünc medal qazanıb
• ATF "Konstitusiya və Suverenlik İli"nə həsr olunan dəyirmi masa keçirib
• Niyaməddin Paşayev: “İdmançıların əsas hədəfi yığmaya düşməkdir”
• Kəmaləddin Heydərov: “Azərbaycan taekvondosu davamlı inkişaf edir“