Azərbaycan voleybolçuları “Dördlər finalı”nda oynayacaqlar

22.01.2009 - 00:38

Avropa Voleybol Konfederasiyasının Kuboku uğrunda növbəti oyunlar keçirilib. Apasport.az saytının məlumatına görə, Azərbaycan yığmasının üzvləri Valeriya Korotenko ilə Oksana Porxomenkonun şərəfini qoruduqları “Fənərbaxça Acıbadem” (Türkiyə) Rusiyanın “Spartak” klubuna qalib gələrək, “Dördlər finalı”na yüksəlib - 3:0 (25:23, 25:13, 25:6).

Türkiyə təmsilçisi bir həftə əvvəl Omskda baş tutan görüşdə də qələbə (3:1) qazanmışdı.

Fevralda keçirilməsi planlaşdırılan “Dördlər finalı”nda türkiyəlilərin rəqibi “Asistel Novara” (İtaliya) “Rote Raben” (Almaniya) və “Uraloçka” (Rusiya) olacaq.