ABŞ basketbolçusu Brittani Cekson gözlənilməz hadisə ilə üzləşib. Apasport.az saytının məlumatına görə, 26 yaşlı xanım idmançı bir neçə gün öncə transfer olduğu Türkiyənin “Kağıtspor” klubundan qovulub. Buna Ceksonun model işləməsi və bir sıra nüfuzlu jurnallara yarıçılpaq poza verməsi səbəb olduğu bildirilir. Basketbolçunun bu hərəkətləri rəhbərliyi razı salmayıb və nəticədə legioner oyunçu komandadan kənarlaşdırılıb.

“Kağıtspor” rəsmiləri Ceksonla yanaşı, daha 3 əcnəbi basketbolçu - Marita Payne, Noteyşa Vomak və Kristi Kironla da müqavilələri ləğv ediblər. Çünki sözügedən klub Türkiyə birinci liqasında iştirakdan imtina edib və bundan sonra həvəskar səviyyədə fəaliyyət göstərmək qərarına gəlib. Müqaviləsi ləğv olunan basketbolçulara ümumilikdə 100 min dollar təzminat ödəniləcək.

• Zaur Hacıyev "Benfika"nın matçını idarə edəcək
• Zaur Hacıyev CEV Kubokuna təyinat alıb
• AVF rəsmisinə növbəti dəfə təyinat verilib
• Voleybolçularımız Alanyaya yollanıblar
• Voleybolçularımız təlim-məşq toplanışı üçün Türkiyəyə yollanıblar