Voleybol üzrə qadınlardan ibarət Azərbaycan yığması Rusiyada təlim-məşq toplanışını başa vuraraq Belarusun Mogilyov şəhərinə yollanıb. Apasport.az saytının məlumatına görə, Avropa çempionatının I seçmə mərhələsinə Moskvada hazırlaşan Faiq Qarayevin yetirmələri bu ölkədə 2 yoldaşlıq görüşündə qüvvələrini sınayıblar.

Rusiya çempionu “Zariçye-Odinçeva” ilə baş tutan oyunlarda voleybolçularımız 3:1 və 3:0 hesabı ilə qələbə qazanıblar. Komandamız bu gün axşam saatlarında yarışın keçiriləcəyi “Olimpies” idman kompleksində ilk məşqinə çıxacaq.

Qeyd edək ki, A qrupunda yer alan millimiz mayın 21-də Bosniya və Herseqovina ilə üz-üzə gələcək. 1 gün sonra Gürcüstanla qarşılaşacaq. Mayın 23-də isə rəqibimiz Belarus yığması olacaq.

• Möhtəşəm geridönüş - Türkiyə Almaniyanı məğlub etdi
• Eldar Zülfüqarov Avropa Liqasının oyunlarına təyinat alıb
• Qadın və kişi voleybolçulardan ibarət millimiz Avropa Liqasında mübarizəni davam etdirirlər
• Bakıda keçiriləcək çimərlik voleybolu üzrə beynəlxalq turnirə 40 komanda qatılacaq
• Gəncə klubunda üç ayrılıq