Azərbaycanlı beynəlxalq dərəcəli hakimlər Avropa Voleybol Konfederasiyasından (CEV) təyinat alıblar. Apasport.az saytının məlumatına görə, CEV qadınlar arasında keçiriləcək Çempionlar Liqasında ilk dəfə 2 həmyerlimizə etimad göstərib.

Belə ki, Eldar Əliyev C qrupunun ilk turunda “Əczaçıbaşı” (Türkiyə) və “Volero” (İsveçrə) komandalarının oyununda əsas hakim olacaq. Noyabrın 24-də baş tutacaq görüşdə ona belçikalı Vim Kambre köməklik edəcək.
Digər ədalət təmsilçimiz Eldar Zülfüqarov da Türkiyədə fit çalacaq.

Hakimimiz B qrupunda “Fənərbaxça” – “ZOK SPLİT 1700” (Xorvatiya) komandalarının oyununa nəzarət edəcək. Zülfüqarov da adaşı kimi əsas referi olacaq və bolqarıstanlı Borislav Pobornikovun köməyinə ehtiyac duyacaq. Qarşılaşma 2011-ci il yanvarın 6-da keçiriləcək.

• Yüksək Liqa: “Murov Az Terminal” və “Ordu”dan qələbə
• Bu gün XIX tura start veriləcək
• Azərbaycan Voleybol Federasiyası hakimlərin hazırlığı üzrə seminarın sonuncu mərhələsini keçirib
• Azərbaycanlı mütəxəssis 1/4 final görüşündə
• Azərbaycan millisi İspaniyada AVRO-2026-nın təsnifat turnirində mübarizə aparacaq