Bakının “Rabitə” voleybol klubu Çempionlar Liqasının I pley-off mərhələsində yeni transfer etdiyi Marina Miletiçin xidmətindən yararlana biləcək. Apasport.az saytının məlumatına görə, fevralın 3-də Çexiyanın “Modranska” komandasının qonağı olacaq Azərbaycan çempionu xorvatiyalı legionerin adını sifariş ərizəsinə daxil edib.

Lakin hücumçu olan 28 yaşlı Miletiçin görüşün ilk dəqiqlərindən meydana çıxması inandırıcı görünmür. Çünki “Rabitə”nin forvardları – Natalya Məmmədova və Sanya Staroviç komandasına ondan daha çox xeyir vermək gücündədirlər.

Qeyd edək ki, Xorvatiya yığmasının üzvü olan Marina “Rabitə”yə Rusiyanın “Dinamo-Yantar” klubundan transfer olunub. O karyerası ərzində hələ ki Çempionlar Liqasında mübarizə aparmayıb.

• Millimizin Avropa çempionatı üçün yekun heyəti bəlli olub
• Bakıda keçiriləcək voleybol üzrə Avropa çempionatının maskotları bəlli olub
• Avropa çempionatının hakimləri açıqlanıb
• Millimizin kapitanı: “Əsas məqsədimiz növbəti mərhələyə yüksəlməkdir”
• Millimizin Avropa çempionatındakı oyunlarının proqramı açıqlanıb