Bakının “İqtisadçı” voleybol klubu növbəti transferini reallaşdırıb. Apasport.az saytının məlumatına görə, “Çelenc Cup” və Super Liqada çempionluğu hədəfləyən paytaxt komandası Kuba yığmasının üzvü Yaima Ortis Çarro ilə mövsümün sonunacan müqavilə imzalayıb.

181 sm boyu olan Çarro 1981-ci ildə anadan olub. Kuba yığmasının heyətində Afina-2004-ün bürünc mükafatçısıdır. Bundan əlavə, Pekin Olimpiadasında və dünya çempionatının final mərhələsində iştirak edib. Ümumilikdə, milli komandada 71 matçda forma geyinən voleybolçu “İqtisadçı”ya Rusiyanın “Omiçka” klubundan transfer olunub.

Qeyd edək ki, Çarro “Çelenc Cup” turnirində Omsk təmsilçisinin heyətində Bakı “Lokomotiv”inə qarşı mübarizə apardığından avrokubokda universitet komandasına kömək edə bilməyəcək.

• Millimizin Avropa çempionatı üçün yekun heyəti bəlli olub
• Bakıda keçiriləcək voleybol üzrə Avropa çempionatının maskotları bəlli olub
• Avropa çempionatının hakimləri açıqlanıb
• Millimizin kapitanı: “Əsas məqsədimiz növbəti mərhələyə yüksəlməkdir”
• Millimizin Avropa çempionatındakı oyunlarının proqramı açıqlanıb