“Bizim komanda I pley-off mərhələsinin səfər matçında bir az əsəbi görünürdü. Rəqibimiz isə əksinə, çox inamlı oynadı”. Apasport.az saytının məlumatına görə, bu sözlər Bakının “Rabitə” voleybol klubunun kapitanı Natalya Məmmədovaya məxsusdur.

Yığma komandamızın da şərəfini qoruyan Məmmədova bildirib ki, Çempionlar Liqasının pley-off mərhələsində Çexiyanın “Modranska” klubu ilə cavab matçında fərqli taktika seçəcəklər: “Çalışacağıq ki, ən yaxşı oyunumuzu bu gün oynayaq və bizə bəslənilən ümidləri doğruldaq. Səfərdə baş tutan ilk qarşılaşmada 2:3 hesabı ilə uduzmağımıza baxmayaraq, cavab matında qalib gələcəyimizə inanırıq. Fikrimcə, növbəti mərhələyə vəsiqə qazanacağıq”.

Qeyd edək ki, “Rabitə” – “Modranska” matçı bu gün olacaq.

• Millimiz Portuqaliya ilə qarşılaşacaq
• Möhtəşəm geridönüş - Türkiyə Almaniyanı məğlub etdi
• Eldar Zülfüqarov Avropa Liqasının oyunlarına təyinat alıb
• Qadın və kişi voleybolçulardan ibarət millimiz Avropa Liqasında mübarizəni davam etdirirlər
• Bakıda keçiriləcək çimərlik voleybolu üzrə beynəlxalq turnirə 40 komanda qatılacaq