“Rabitə” klubunun voleybolçusu Diana Nenova Azərbaycan çempionluğunu oğlundan üstün tutub. Apasport.az saytının məlumatına görə, mövsümün əvvəlindən paytaxt komandasının şərəfini qoruyan bolqarıstanlı legioner uşağını ölkəmizə gətirməyib.

Buna səbəb onun Super Liqa oyununa daha çox köklənmək istəməsidir. Hazırda Nenovanın oğlunu peşəkar boksçu olan həyat yoldaşı Tervel Pulevi saxlayır.

Pulevi bildirib ki, bununla fəxr edir və ailəsini karyerasından üstün tutur: “Ailə olmadan lazımı karyera qura bilməzsən. Mənim üçün ailə karyeradan daha vacibdir. Lakin bizə indi bir qədər çətindir. Həyat yoldaşım Azərbaycanda çıxış edir. Bunun üçün balaca oğlumuza da baxmalı oluram. O, 2 yaşındadır. Hər gün körpələr evinə aparıram. Amma onu boksçu etmək fikrim yoxdur”.

• Azərbaycanlı hakim voleybol üzrə Avropa çempionatına təyinat alıb
• Millimizin Avropa çempionatı üçün yekun heyəti bəlli olub
• Bakıda keçiriləcək voleybol üzrə Avropa çempionatının maskotları bəlli olub
• Avropa çempionatının hakimləri açıqlanıb
• Millimizin kapitanı: “Əsas məqsədimiz növbəti mərhələyə yüksəlməkdir”