Bakının “İqtisadçı” voleybol klubu daha bir transfer rəsmiləşdirib. Apasport.az saytının məlumatına görə, argentinalı Georgina Pinedo bundan sonra paytaxt təmsilçisinin şərəfini qoruyacaq. 179 sm boya malik cənubi amerikalı artıq “İqtisadçı”ya transfer olunub.

2000-ci ildən Argentina milli komandasının formasını geyən voleybolçu 3,13 metrdən zərbə vurmağı və 2,98 metrdə blok qurmağı bacarır. 31 yaşlı Pinedonun son klubu Cənubi Koreyada “Korrea Ekspessivey” olub.

Bundan başqa Pinedonun çıxış etdiyi komandalar arasında “Boka Xuniors”, İtaliyada “Roma”, “Kyevo”, “Polisan”, İspaniyada “Albasete”, “Kordoba” kimi klublarda da oynayıb. Yığmada Cənubi Amerika çempionatlarında 2 gümüş və 1 bürünc, Panamerika oyunlarında isə bürünc medal qazanıb.

• Voleybolçularımızla görüş keçirilib - FOTO
• Çimərlik voleybolçularımız Avropa çempionatında əsas mərhələyə yüksəliblər - FOTO
• AVF rəsmisi beynəlxalq yarışa təyinat alıb
• Çimərlik voleybolçularımız Avropa çempionatında iştirak edəcəklər
• Türkiyə millisi gümüş medalçı olub