Sabah kişi basketbolçular arasında Azərbaycan çempionatının II dövrəsinə yekun vurulacaq. Apasport.az saytının məlumatına görə, təxirə salınan IX turun oyunları keçiriləcək.

Ötən həftə pley-off mərhələsinə yüksələn komandalar müəyyənləşdiyindən bu matçlar elə də əhəmiyyət daşımayacaq.

Günə BDU - “NTL-Tudor” görüşü ilə start veriləcək. Bu oyunda ikincilərin qələbə qazanacaqları sözsüzdür. Çünki autsayder olan “tələbələr”ın sonuncu turda sensasiyaya imza atması gözlənilməzdir.

Təbii ki, “Araz” – “Çağ Öyrətim” matçında Naxçıvan təmsilçisinin xal itirəcəyi inandırıcı deyil. “Qala” isə “AZTOP”la matça rahat çıxacaq. Çünki debütant hesabat turunda mərhələ adlamaq şansını itirdiyindən həvəssiz oynayacaq.

IX turun təxirə salınan oyunları

25 fevral
14:00. BDU - “NTL-Tudor”
İlk oyun: NTL-Tudor – BDU – 79:53

15:30. “Qala” - “AZTOP”
İlk oyun: AZTOP – “Qala” - 72:79

17:00. “Araz” – “Çağ Öyrətim”
İlk oyun: “Çağ öyrətim” - “Araz” - 43:88

1.	Araz	9	9	0	939-554	18
2.	Qala	9	6	3	700-499	15
3.	Çağ Öyrətim	9	5	4	596-638	14
4.	NTL-Tudor	9	4	5	645-551	13
5.	AZTOP	9	3	6	620-656	12
6.	BDU	9	0	9	429-920	9

Qeyd edək ki, pley-off mərhələsində “Araz” “NTL-Tudor”la, “Qala” isə “Çağ Öyrətim”lə qüvvəsini sınayacaq.

• Voleybolçularımızla görüş keçirilib - FOTO
• Çimərlik voleybolçularımız Avropa çempionatında əsas mərhələyə yüksəliblər - FOTO
• AVF rəsmisi beynəlxalq yarışa təyinat alıb
• Çimərlik voleybolçularımız Avropa çempionatında iştirak edəcəklər
• Türkiyə millisi gümüş medalçı olub