“Qəbələ”nin legioneri əvəzedicilərin çempionatında fərqləndi

02.03.2012 - 18:20

Bu gün Premyer Liqa klublarının əvəzedici komandalar arasında ölkə çempionatının XXII turun oyunları keçirilib. Apasport.az saytının məlumatına görə, liderlər “Neftçi”, “Qəbələ” və “İnter” səfərdə qalib gəlməkdə çətinlik çəkməyib. “Qəbələ”nin əsas komandasının oyunçusu olan Abdulkader Kamara vurduğu qolla əvəzedicilərin böyük hesablı qələbəsində əməyi olub. Qvineyalı yarımmüdafiəçi zədədən sonra əvəzedicilərin çempionatda oyun praktikası qazanır.

2 mart

"Bakı" - "İnter" – 0:3
Samir Hüseynli, 65, Əbülfəz Hüseynli, 80, Ramil Mansurov, 88

"Sumqayıt" - "Xəzər Lənkəran" – 1:0
Ruslan Nəsirli, 79

"Rəvan" - "Qəbələ" – 0:4
Sadiq Quliyev, 22, Amil Yunanov, 39, Abdulkader Kamara, 78, Rey Məmmədbəyli, 86

"Kəpəz" - "Simurq" – 1:0
Ravil Müslümov, 77

"Qarabağ" – AZAL – 0:0
"Turan" - "Neftçi" – 0:2
Kərim Diniyev, 35, Kərəm Manafov, 53

Qeyd edək ki, 49 xalı olan lider “Neftçi” ən yaxın izləyicisi olan “Qəbələ”ni 8 xal qabaqlayır.