“Azərreyl”in arzuladığı oyun

13.03.2012 - 16:20

Sabah qadın voleybolçular arasında Azərbaycan Super Liqasının IV turundan təxirə salınan “Azərreyl” – “İqtisadçı” oyunu baş tutacaq. Apasport.az saytının məlumatına görə, “Gənclik” Olimpiya İdman Kompleksinin zalında keçiriləcək matçın aşkar favoriti “dəmiryolçular” hesab olunurlar.

Onlar həm də qələbə qazanmağa borcludurlar. Çünki Çempionlar Liqası ilə vidalaşan komanda uğursuzluğu məhz Super Liqa ilə sığortalamaq arzusundadırlar. Lakin bu oyun “İqtisadçı” üçün də böyük əhəmiyyət kəsb edir. Çünki legioner transferləri ilə ad çıxaran universitet komandası da CEV kuboku ilə vidalaşıb və son turlarda yenidən öz oyununu itirib. Onlar düşdükləri çətin vəziyyətdən çıxmaq üçün qalib gəlməli, ən azından iddialıların birinə “dişlərini” göstərməlidirlər. “İqtisadçı” xal itirməyəcəyi halda, ilk matçdakı məğlubiyyətin də revanşını almış olacaq.

14 mart
IV turdan təxirə salınan oyun

15:30. “Azərreyl” – “İqtisadçı”
İlk oyun: “İQTİSADÇI” – “AZƏRREYL” – 0:3 (16:25, 20:25, 24:26)
“Gənclik” Olimpiya İdman Kompleksi

1.	Rabitə	10	10	0	30-2	20
2.	Azərreyl	10	9	1	29-10	19
3.	Bakı	12	7	5	26-18	19
4.	Lokomotiv	10	5	5	20-15	15
5.	İqtisadçı	10	4	6	13-22	14
6.	Azəryolservis	11	2	9	11-28	13
7.	Lokomotiv Biləcəri	11	0	11	1-33	11