“Bakı” üçün ukraynalı gəlir

17.03.2012 - 00:02

Avropa Voleybol Konfederasiyası (CEV) “Çelenc Cup”ın yarımfinal mərhələsinin cavab oyunlarını idarə edəcək hakimlərin adlarını açıqlayıb. Apasport.az saytının məlumatına görə, CEV “Bakı” (Azərbaycan) – “Zuhl” (Almaniya) qarşılaşmasının taleyini ukraynalı Aleksey Skibitskiyə tapşırıb. Ona köməklik etmək isə Oqnian Tankişevə (Bolqarıstan) həvalə olunub.

“Lokomotiv” (Azərbaycan) – “Gent” (Belçika) matçında əsas referi funksiyasını Sinisa İsayloviç (Avstriya) yerinə yetirəcək. II hakim kimi isə ölkəmizə Monika Ujnazi (Macaristan) təşrif buyuracaq.

Qeyd edək ki, hər 2 komandamız ilk oyunda 3:0 hesabı ilə qalib gəlib. “Sərhədçi” Olimpiya Mərkəzində baş tutacaq ikinci görüşlər martın 18-də keçiriləcək.