Rusiya klubu yığmamızdan öndə

19.03.2012 - 00:01

Qırğızıstanın Bişkek şəhərində keçirilən “Novruz-2012” beynəlxalq turnirində II turun oyunları başa çatıb. Apasport.az saytının məlumatına görə, Azərbaycan yığması MOİK-ə (Qazaxıstan) 86:69 hesabı ilə qalib gəlsə də, ilk pilləni ələ keçirə bilməyib.

Komandamızı top fərqinə görə Rusiyanın “Urfu” klubu qabaqlayır. Onlar bu dəfə Özbəkistan yığmasına qalib gəliblər – 83:59.

Turnirin digər matçında isə ilk turda basketbolçularımıza uduzan ABŞ-ın AİA komandası Qırğızıstan millisini məğlub edib (85:76) və üçüncü pilləyə yüksəlib.

1. UrFU 2 2 0 182-141 4
2. Azərbaycan 2 2 0 170-141 4
3. AİA 2 1 1 157-160 3
4. MOİK 2 1 1 159-164 3
5. Qırğızıstan 2 0 2 158-184 2
6. Özbəkistan 2 0 2 137-173 2

Qeyd edək ki, üçüncü oyun günündə Elxan Əliyevin yetirmələri Özbəkistan yığması ilə qarşılaşacaq.