Bu gün qadın həndbol yığmaları arasında AÇ-2013-ün seçmə qrup mərhələsi çərçivəsində 3-cü turun oyunları keçirilir. Apasport.az saytının məlumatına görə, baş məşqçisi Rəfiqə Şabanova olan Azərbaycan yığması "ABU-Arena"da Belarus millisi ilə qarşılaşıb. Xorvatiyalı Yelena Crnoyeviçin idarə etdiyi oyunda millimiz 10 top fərqilə məğlub olub – 21:31.

Yığmamızın Belarusla cavab oyunu martın 25-də Belarusun Mogilyov şəhərindəki "Olimpiya" idman arenasında olacaq. Yığmamız yer aldığı qrupda bunadək 2 görüş keçirmişdi. Səfərdə Macarıstan yığmasına 19:49 hesabla uduzan həndbolçularımız evdə almanlarla bacarmamışdı - 16:34. Millimiz kimi ilk 2 oyunda məğlubiyyət alan Belarus yığması ilk qələbəsini autsayderlərin Bakıdakı duelində əldə etdi.

1. Almaniya 2 2 0 0 61-35 4
2. Macarıstan 2 2 0 0 69-44 4
3. Belarus 3 1 0 2 75-76 2
4. Azərbaycan 3 0 0 3 56-106 0

• "Murov Az Terminal" heyətini ukraynalı voleybolçu ilə gücləndirib
• "Murov Az Terminal"dan yeni transfer
• Voleybolçularımızla görüş keçirilib - FOTO
• Çimərlik voleybolçularımız Avropa çempionatında əsas mərhələyə yüksəliblər - FOTO
• AVF rəsmisi beynəlxalq yarışa təyinat alıb