Təsnifat mərhələsinin məğlubedilməzi

24.03.2012 - 09:54

Qadın voleybolçular arasında Azərbaycan Super Liqasında IV turun təxirə salınmış “Rabitə” – “Lokomotiv” matçı ilə təsnifat mərhələsinə yekun vurulub. Apasport.az saytının məlumatına görə, Gənclik Olimpiya İdman Kompleksində baş tutan oyun son Azərbaycan çempionunun inamlı qələbəsi ilə yekunlaşıb.

Düzdür, “dəmiryolçular” matça daha yaxşı başlayıblar. Onlar bunun nəticəsi olaraq, ilk seti hesablarına yazıblar – 31:29. Lakin bundan sonra öz oyununu tapan Zoran Qayiçin yetirmələri “Lokomotiv”ə göz açmağa imkan verməyiblər. Ardıcıl 3 setdə qələbə qazanan “Rabitə” təsnifat mərhələsini məğlubiyyətsiz başa vuran yeganə komanda olub.

IV turun təxirə salınmış oyunu

“RABİTƏ” – “LOKOMOTİV” – 3:1 (29:31, 25:11, 25:20, 25:13)

1.	Rabitə	12	12	0	36-3	24
2.	Azərreyl	12	9	3	29-16	21
3.	Bakı	12	7	5	26-18	19
4.	Lokomotiv	12	6	6	24-20	18
5.	İqtisadçı	12	6	6	19-22	18
6.	Azəryolservis	12	2	10	13-30	14
7.	Lokomotiv Biləcəri	12	0	12	1-36	12