Kişi basketbolçular arasında Avropa çempionatının seçmə mərhələsində V turun oyunları keçirilib. Apasport.az saytının məlumatına görə, 1 tur öncə istirahət edən Azərbaycan millisi qrupun favoriti Almaniya yığmasını qəbul edib.

Oyun gözlənildiyi kimi rəqibin üstünlüyü şəraitində keçib. Elxan Əliyevin yetirmələri İsveçin ardınca almanlara da uduzublar. Basketbolçularımız yalnız 3 hissədə rəqibləri ilə başabaş mübarizə aparıblar.

Qrupumuzda baş tutan digər matçda isə İsveç Lüksemburqu 111:74 (27:13, 28:24, 31:16, 25:21) məğlub edib.

Beləliklə, V turdan sonra Azərbaycan İsveç və Bolqarıstanla bərabər 6 xal toplasa da, top fərqinə görə 4 yerə enib. Turnir cədvəlinə isə Almaniya başçılıq edir.

Azərbaycan – Almaniya – 68:85 (15:17, 19:26, 16:16, 18:26)

1.	Almaniya	4	4	0	349-257	8
2.	İsveç	4	2	2	346-312	6
3.	Bolqarıstan	4	2	2	315-311	6
4.	Azərbaycan	4	2	2	336-332	6
5.	Lüksemburq	4	0	4	273-407	4

Qeyd edək ki, yığmamız VI turda Lüksemburqu qəbul edəcək. Oyun avqustun 30-da olacaq.

• “Murov Az Terminal”da yeni müqavilə
• "Murov Az Terminal" heyətini ukraynalı voleybolçu ilə gücləndirib
• "Murov Az Terminal"dan yeni transfer
• Voleybolçularımızla görüş keçirilib - FOTO
• Çimərlik voleybolçularımız Avropa çempionatında əsas mərhələyə yüksəliblər - FOTO