Yığmamız “Uraloçka”nı məyus etdi

29.08.2012 - 09:13

Avropa çempionatının seçmə mərhələsinə hazırlaşan qadın voleybolçulardan ibarət Azərbaycan millisi növbəti yoxlama matçını keçirib. Apasport.az saytının məlumatına görə, Faiq Qarayevin yetirmələri Bakıda təlim-məşq toplanışında olan Rusiyanın məşhur “Uraloçka” klubu ilə qarşılaşıblar.

Matç yığmamızın üstünlüyü şəraitində keçib və voleybolçularımız yekunda 3:1 hesablı qələbə qazanıblar.

Qeyd edək ki, qarşıdakı günlərdə də bu komandalar bir neçə dəfə üz-üzə gələcəklər.