Üçüncü darmadağın

10.09.2012 - 08:43

Qadın voleybolçular arasında Avropa çempionatının seçmə mərhələsində növbəti oyunlar keçirilib. Apasport.az saytının məlumatına görə, Azərbaycan milli komandası Finlandiya yığması ilə qarşılaşıb.

Faiq Qarayevin yetirmələri ilk 2 oyunda olduğu kimi bu dəfə də matçı 3 setdə bitirib. Millimiz 25:20, 25:12 və 25:11 hesabı ilə qalib gəldiyi setlərlə qrupda skandinaviyalıları darmadağın edib. Bununla da komandamız qrupda maksimum nəticə göstərib. Hər 3 oyunda 3:0 hesabı ilə qalib gələn yığmamız 9 xalı elə 9 setdə qazanıb. C qrupundakı digər oyunda Belarus Avstriyanı 3:0 hesabı ilə məğlub edib.

Turnir cədvəli: Azərbaycan – 9 (9:0), Belarus – 6 (6:4), Finlandiya – 3 (4:6), Avstriya – 0 (0:9).