Millimizin hücumçusu səfərdən məğlub qayıdır

28.03.2013 - 18:17

Qadın voleybolçular arasında Rusiya Superliqasında XX turun oyunları keçirilir. Apasport.az saytının məlumatına görə, Azərbaycan millisinin hücumçusu Natalya Məmmədovanın şərəfini qoruduğu “Omiçka” “Ufimoçka”nın qonağı olub.

Görüşün taleyi tay-brekdə həll olunub. Qarşılaşma meydan sahiblərinin 3:2 (21:25, 25:19, 25:21, 18:25, 17:15) hesablı qələbəsi ilə başa çatıb. Omsk təmsilçisi 5 setdə uduzmaqla hesabına daha 1 xal əlavə edib.

Qeyd edək ki, Omsk klubu 37 xalla 6-cı pillədə qalıb.