“Qızıl Avropa Liqasında mübarizəni dayandırdıq. “Dördlər finalı”na yüksəlməyi çox istərdim”.

Apasport.az xəbər verir ki, bunu Azərbaycan millisinin voleybolçusu Aynur İmanova deyib.

Komandanın kapitanı Qızıl Avropa Liqasında çıxışlarını şərh edib. O, mübarizəni dayandırmalarına təəssüfünü gizlətməyib: “Bəzi səbəblərdən alınmadı. Komanda olaraq çalışdıq ki, daha çox oyunda qələbə qazanaq. Lakin olmadı. Buna görə bütün oyunçular təəssüflənirik. Yarışda çıxışımız istədiyimiz kimi alınmadı. Bundan sonra səhvlərimizi təkrarlamamağa çalışacağıq. İnanıram ki, növbəti oyunlarda daha uğurlu çıxış edəcəyik”.

Qeyd edək ki, yığmamız Qızıl Avropa Liqasında 6 oyunda 2 qələbə qazanıb və 8-ci yeri tutub.

• Zaur Hacıyev "Benfika"nın matçını idarə edəcək
• Zaur Hacıyev CEV Kubokuna təyinat alıb
• AVF rəsmisinə növbəti dəfə təyinat verilib
• Voleybolçularımız Alanyaya yollanıblar
• Voleybolçularımız təlim-məşq toplanışı üçün Türkiyəyə yollanıblar