"Qarşılaşdığımız komandalarla oyunumuz istənilən kimi alınmadı. Əlimizdən gələni etsək də, güclü müqavimət göstərə bilmədik".

Apasport.az xəbər verir ki, bunu Qızıl Avropa Liqasında mübarizə aparan kişi voleybolçulardan ibarət millinin blokçusu Elmin Alışanov Azərbaycan Voleybol Federasiyasının mətbuat xidmətinə açıqlamasında deyib.

O, yarışda Avropanın güclü komandalarının iştirak etdiyini bildirib: "Qızıl Avropa Liqasında Avropanın güclü komandaları iştirak edir. Həmçinin komandaların heyətindəki voleybolçular ən güclü klublarda çıxış edirlər".

E.Alışanov bu gün qarşılaşacaqları Estoniya millisi, eləcə də digər rəqiblər haqqında da danışıb: "Növbəti tur bu gün Estoniyada start götürəcək. Rəqiblərimiz ev sahibləri və Lüksemburq komandasıdır. Deyə bilərəm ki, Estoniya daha güclü rəqibdir. Çalışacağıq hər iki matçda yaxşı oyun göstərək. Düşünürəm ki, Lüksemburqa qarşı duel daha maraqlı keçəcək. Həmin görüşdə qalib gəlmək şansımız daha çoxdur. Bəzi oyunçular milliyə yeni cəlb olunublar, həmçinin komanda şəklində məşqlər üçün az zamanımız oldu. Yenə də çalışırıq ki, yaxşı çıxış edək. Son matçlarda da qələbə qazanmaq üçün əlimizdən gələni edəcəyik".

Qeyd edək ki, kişi voleybolçulardan ibarət Azərbaycan millisi Qızıl Avropa Liqasının III turu çərçivəsində bu gün səfərdə Estoniya yığmasının qonağı olacaq.

• Zaur Hacıyev "Benfika"nın matçını idarə edəcək
• Zaur Hacıyev CEV Kubokuna təyinat alıb
• AVF rəsmisinə növbəti dəfə təyinat verilib
• Voleybolçularımız Alanyaya yollanıblar
• Voleybolçularımız təlim-məşq toplanışı üçün Türkiyəyə yollanıblar