“Barselona”nın futbolçusu Arda Turan “Başakşəhər” klubu ilə ilkin razılıq əldə edib. Apasport.az xəbər verir ki, bu barədə məlumatı Türkiyə klubu rəsmi saytı vasitəsilə yayıb.

İstanbul təmsilçisinin prezidenti Göksəl Gümüşdağ özü də xəbəri təsdiqləyib. O, dünən İspaniyada görüşdüyü 31 yaşlı yarımmüdafiəçi ilə hərtərəfli anlaşdıqlarını söyləyib. “Başakşəhər” Ardanı 1,5 illik icarəyə götürmək niyyətindədi. Futbolçuya ilk 6 ayına görə 4 milyon, gələn mövsüm üçün isə 6 milyon avro təklif edib. Ardanın razılığını alan türklər sponsorların dəstəyi sayəsində “Barselona” ilə də ortaq məxrəcə gəlməyə çalışırlar.

Qeyd edək ki, Arda Turan “Barselona”ya 2015-ci ildə “Atletiko”dan keçib.

• Yüksək Liqa: III tura yekun vurulur
• Ebrar Karakurtun yeni komandası bəlli oldu
• Azərbaycan çempionatında III turun proqramı açıqlanıb
• “Azərreyl”, “Gəncə” və “Abşeron”dan qələbə
• Bu gün Yüksək Liqasında III turun oyunları keçiriləcək