[b]Azərbaycanlı hakim “Voyvodina”nın oyununa təyinat aldı[/b]

14.02.2017 - 09:49

Beynəlxalq dərəcəli azərbaycanlı hakim Fikrət Axundov Avropa Voleybol Konfederasiyasından növbəti təyinat alıb. Apasport.az saytının məlumatına görə, həmyerlimiz kişi komandalar arasında CEV kubokunun 1/8 final mərhələsinin cavab görüşləri çərçivəsində baş tutacaq “Voyvodina” (Serbiya) – “Pyaçentsa” (İtaliya) matçında ədaləti qoruyacaq.

O, Novı Sadda olacaq qarşılaşmada əsas hakim funksiyasını yerinə yetirəcək. Onun köməkçisi bolqarıstanlı Milan Todorov olacaq. Görüş fevralın 15-də keçiriləcək.

Qeyd edək ki, bu klubların ilk matçında italiyalılar 3:0 hesabı ilə qalib gəlib.