İtaliya maliyyə polisi A seriyasının daha 3 komandasının ofisində axtarış aparıb.

Apasport.az saytı xəbər verir ki, ölkənin Baş Prokurorluğunun göstərişi əsasında sözügedən qurumun nümayəndələri “Roma”, “Latsio” və “Salernitana” klublarının maliyyə ilə bağlı sənədlərini yoxlayıb.

Prokurorluq orqanları axtarışın səbəbi kimi 2017-21-ci illərdəki futbolçu transferləri ilə bağlı əllərində əsaslı şübhələr olduqlarını bildiriblər. İstintaqın hansı transferlərə şamil edildiyi isə açıqlanmır.

Qeyd edək ki, Apennin yarımadasında daha öncə belə axtarışlar “Torino” və “Milan” klublarının da ofislərində həyata keçirilib. Maliyyə fırıldaqlarında suçlandığı üçün 2022/23 mövsümünün gedişində isə “Yuventus”un 15 xalı silinib.

• İspaniya - Fransa oyununun ən yaxşısı seçildi
• "Qarabağ" 1/8 finalda "Bayer"lə qarşılaşacaq - YENİLƏNİB
• Qurban Qurbanov: “Hər səhvə görə istənilən futbolçumuzu göndərsək, kollektivimiz dağıla bilər” - MÜSAHİBƏ
• "Atletiko" əsas oyunçusu ilə müqaviləni uzatmağa yaxındır
• İspaniyalı futbolçu PSJ-dən ayrıla bilər